Saturday 11 April 2020

सिंह लग्न / सिंह रास



सिंह लग्न / सिंह रास

ज्योतिषशास्त्राचा अभ्यास करतानाव्यक्तीची जन्मकुंडली महत्त्वाची मानली जातेव्यक्तीची जन्मतारीख - जन्मवेळ आणि जन्मठिकाण या तीन गोष्टी अचूक असतील तरपंचागांच्या आधारे त्याची जन्म कुंडली मांडली जाते. जन्म क्षणी पूर्वक्षितिजावर जी रास उदित असते तिला 'लग्नरासअसे म्हटले जाते. त्या स्थानापासून सुरुवात करूनबारा स्थानांमध्ये बारा राशीची विभागणी केली जाते. नंतर ज्या राशीत जे ग्रह असतील ते मांडले जातात व 'जन्मलग्नकुंडलीतयार होते. कुंडलीत असलेली ग्रहस्थितीस्थाने आणि स्थानगत राशी यांचा एकत्रित अभ्यास म्हणजे कुंडलीचा  अभ्यास  होय.  कुंडलीतील बारा स्थाने  व त्यावरून पाहावायच्या प्रमूख गोष्टींचा तक्ता खालीलप्रमाणे :--




    जन्मकुंडलीमध्ये लग्नस्थान हे अत्यंत महत्त्वाचे स्थान आहे. या स्थानावरून स्वरूपशरीराची ठेवणस्वभावप्रकृतीप्रवृत्तीजातत्वचाआरोग्य व रोगप्रतिकार शक्तीव्यक्तिमत्त्वचारित्र्य,जीवनाकडे बघण्याचा दृष्टिकोनआयुष्याचा प्रारंभ व एकंदरीत आयुष्य कशा प्रकारचे असेल याचा विचार करतात. त्यामुळे जन्मलग्नी उदित असलेली राशी अत्यंत महत्त्वपूर्ण भूमिका बजावते. या राशीचा अधिपती बहुतेक कुंडल्यांत त्या कुंडलीवर वर्चस्व गाजवतो. त्याच्या शुभाशुभ स्थितीनुसार आयुष्यात सुखदुःखे अनुभवास येतात जातकाच्या एकंदर व्यक्तिमत्त्वाचा विचार या स्थानावरून केला जातो. या स्थानातील राशी व ग्रह यांचा जातकाच्या व्यक्तिमत्त्वावर जोरदार परिणाम होत असतो.
सिंह लग्न / सिंह रास
  


जन्मकुंडलीमध्ये प्रथमस्थानात  सिंह (5) रास असता अथवा व्यक्तीची जन्मरास (चंद्र सिंह राशीत  असतासिंह असता अथवा व्यक्तीची रवीरास सिंह असता जातकाच्या व्यक्तिमत्त्वा विषयी तसेच आयुष्या बाबत सर्वसामान्यत पुढील गॊष्टी आढळून येतात -

१) सिंह- ही रवीची राशी असून, 'स्थिरतत्त्वाची रास आहे.यामुळे सिंह राशीचे जातक आकर्षक व तेजस्वी असतात  डोळ्यात एक प्रकारची चमक असते. मध्यम उंचीबारीक कंबर,रुंद छाती, मोठे कपाळ असे यांचे व्यक्तिमत्व असते. आरोग्यही उत्तम आणि सुदृढ असते.

 २) ही माणसं  गंभीर आणि मितभाषी असतात.  ही माणसे निःस्पृह आणि इतरांसाठी झटणारी असतात. त्यामुळे यांना सामाजिक क्षेत्रात मान-सन्मान मिळतो . यांनी एखाद्या माणसास आपले मानले तर आयुष्यभर त्याची साथ सोडत नाहीतपण जर एखादी व्यक्ती यांच्या नजरेतुन उतरली तर त्या व्यक्तीला हे कधीही जवळ करत नाहीत.

 ३) उदात्त आचारविचारदुर्बलांना संरक्षण देणेमदत करताना मागेपुढे न पाहाणे 'हेमहत्त्वाचे गुण असतात स्थिरतत्त्वाची रास असल्याने स्वभाव निश्चयी असतो. एकाच मताला धरुन राहतात आणि आपले निर्णय सहसा बदलत नाहीत.

 ४) या राशीची माणसे मानी आणि कडक स्वभावाची असतात. पण असे असले तरी हे रागीट किंवा भडक स्वभावाची नसतात. विवेकी असतात. विनाकारण यांचा राग कधीही उसळत नाहीतसेच कारण असेल तर हे लोक रागावतात पण लगेच शांत देखील होतात.

५) या राशीच्या व्यक्ती शूरधाडसीकरारीमहत्त्वाकांक्षी असतात. अपेक्षित ध्येय गाठवण्यासाठी वाट्टेल ते कष्ट करण्याची याची तयारी असते. वक्तशीरपणा आणि व्यवस्थितपणा हे यांचे महत्त्वाचे गुण असतात. 

६) 'रविहा ग्रह राजा आहे , त्यामुळे राजकारण आणि शासकीय संस्था या क्षेत्रात सिंह राशीची माणसे आढळून येतात. राजकीय क्षेत्रात अग्रेसर असतात आणि अनेक उच्चपदस्थांशी यांची ओळख असते. सरकार दरबारी यांचे वजन असते. असे असले तरी त्याचा कधीही गैरवापर करत नाहीत प्रामाणिकन्यायाने वागणाऱ्या असतात.  उच्च सांपत्तिक दर्जा  आणि उच्चपद  या गोष्टी सिंह राशीची माणसे स्वकर्तत्त्वाने मिळवतात.

७) थोडक्यात स्वाभिमानीधाडसी स्वातंत्र ,स्वावलंबित्त्वन्यायीउदारदीर्घोद्योगीवक्तशीर असे सिंह राशीचे स्वरुप आहे. 

८) सिंह राशीमध्ये हे गुण असले तरी काही अवगुण असतात. या अवगुणामुळे त्यांच्या प्रगतीत अडथळे येण्याचा संभव असतो. यासाठी हे अवगुण दूर करण्याचा कसोशीने प्रयत्न केला पाहिजे. सिंह राशीच्या व्यक्तींमध्ये मानीपणा आणि अधिकाराची तीव्र लालसा दिसून येते. या व्यक्ती स्वत:ला कुणीतरी विशेष समजत असतात. 'प्रत्येक ठिकाणी मलाच मोठेश्रेष्ठ मानले पाहिजेअसे यांना वाटत असते. ते अधिकारपद मिळविण्यासाठी आणि टिकविण्यासाठी यांची अथक धडपड चाललेली असते. पोकळडामडौलअतिअहंकारदिखाऊपणाढोंगीपणा हे दुर्गुण निर्माण होतात. 



९) यांचे कौतुक करणाऱ्या माणसांवर सिंह राशीचे जातक लगेच प्रसन्न होतात. त्यामुळे काही मित्र अथवा आप्तगण तोंडावर गोड-गोड बोलून आपला कार्यभाग साधून घेतात आणि पाठीमाग मात्र बदनामी करतात. सिंह राशीची माणसे कुणी प्रेमाने वागल.बोलले की हे लगेच भाळतात. स्तुतिपाठक आणि आपमतलबी  लोकांपासून सावध राहणे गरजेचे आहे.


१०) यांचा स्वभाव जरा संशयी असतो. विशेषत: वैवाहिक जोडीदाराबाबत जास्त संशयी असतात. त्यामुळे सांसारिक जीवनात विनाकारण कटकटी वाद निर्माण होतात


११)  सिंह राशीच्या जातकांनी काहीही लिखा-पढी न करता केवळ शब्दांवरनात्यावर नात्यावर विश्वास ठेवून कुणाला उधारी देऊ नये किंवा प्रॉपर्टी संबंधी  व्यवहार करु नये याबाबतीत फसवणारी माणसे भेटतील. तसेच कुणालाही जामीन राहू नये. जामीन प्रकरणामध्ये अडकण्याचे योग असतात.

१२) प्रकृतीस्वास्थ्य :- सिंह राशीचा अंमल कुक्षीवर असतो. तसेच पाठपोट यावर देखील असतो त्यामुळे पोटदखीपाठीचे दुखणे,पाठीच्या कण्याचे रोग यासंबंधी त्रास होण्याची शक्यता असते,त्यासाठी या माणसांनी महिन्यातून एक-दोन उपवास (लंघन) करावेतच.ही अग्नितत्त्वाचीक्षत्रियवर्णाची रास असून राशिस्वामी सूर्यासारखा तप्त (रवि) ग्रह आहे. त्यामुळे यांची प्रकृती उष्ण असते.प्रकृती कणखर असते ही माणसे कधीही आजाराचे फार कौतुक करत नाहीत सहनशक्ती उत्तम असते यांना उष्माघातामुळे होणारे त्रास जसे की, डोळे जळज़ळणेभयंकर डोके दुखणे, अंगावर लाल पुरळ उठणे, 'पित्ताचा प्रकोप होणेहे त्रास संभवतात. त्याची काळजी घ्यावी

१३) सिंह रास कालपुरुषाच्या आत्म्याचे दयोतक आहे.या माणसांना सत्तापदप्रतिष्ठा याची स्व-कर्तृत्त्वावर प्राप्ती होते.वैवाहिक सौख्य चांगले असते परंतु जोडिदाराने आपल्या ताब्यात राहावे अशी यांची इच्छा असते. तसेच स्वभाव संशयी असल्याने वैवाहिक जीवनात विनाकारण कटकटी निर्माण होतातसंततीत, मुलींची संख्या अधिक असते. यांनी परस्त्री संबंध टाळावेत अन्यथा त्रास होतो. सार्वजनिक क्षेत्रात मात्र यांना प्रचंड मान मिळतो. यांच्याविषयी आदरयुक्त भीती असते. यांना टीका सहन होत नाही.

१४) मर्दानी खेळ आणि पोषाखाची आवड असते. तिखट पदार्थ खाण्यास आवडतात. यांच्या वागण्यातबोलण्यात,बसण्यातखेळण्यात एक प्रकारचे तेज दिसून येते.

 १५) समाजात वावरताना कायद्याचे काटेकोरपणे पालन करतात. एखाद्याला मदतीची गरज असेल तर मागचा पुढचा विचार न करता दिलदारपणे मदत करतात. कोणत्याही गोष्टीत स्वत:कडे कमीपणा घेत नाहीत. स्वत:चे मोठेपणअधिकार जपण्याची यांची महत्त्वाकांक्षा असते.परंपरेचा अभिमान असून चालीरीतीकुलाचार यांना महत्त्व देणारे असतात.

१६) स्त्रियांना मात्र ही रास फारशी अनुकूल नसते. दिसावयास या स्त्रिया देखण्या असल्या तरी चेहऱ्यावर रागीटपणा दिसून येतो.या जरा पुरुषी बांध्याच्या आणि पुरुषी वृत्तीच्या असतात. फक्त शिक्षण घेण्याची हौस नसते तर त्याचा प्रत्यक्ष जीवनात उपयोग करण्याची त्यांची महत्त्वाकांक्षा असते. 
शासकीय खातीपोलिस खातेमिलटरीवैमानिक असे पुरुषी समजल्या जाणाऱ्या क्षेत्रात स्वतःचा ठसा उमटवतात . 

१७) सिंह राशी ही राजकारक, राजकारणाची राशी समजली जाते. देशकाल-परिस्थितींचा विचार करता या राशीचे हे महत्व प्रजापक्षाच्या, लोकशाहीच्या काळात व राज्यात कमी झाले असावे असे वाटते. एकराज्य पद्धती, एक राजा, राजघराणी हे जेव्हा होते तेव्हा सिंहेचे महत्व होते. परंतु जगातल्या हल्लीच्या राजकारणाचे रंग रविप्रधान दिसत नाहीत. अधिकार एकाच हाती एकवटल्याची उदाहरणे आता जगात कमी होऊ लागली आहेत. उलट कालमानाप्रमाणे सिंह व्यक्तीची कुचंबना होऊ लागल्याचे दिसत आहे. 

१७ अ) सिंहेचे खणखणीत नाणे हल्ली बाजारात चालत नाही. तत्वाला मुरड न घालण्याचा त्यांचा स्वभाव बदलत्या काळात व बदलत्या जगात त्यांना पुढे येऊ देत नाही.
स्वभावातील अहंकार व्यापारात यश देत नाही. वृत्तीतील रामशास्त्रीपणा त्यांना आता कलीयुगात लोकप्रिय करीत नसून, अप्रिय करीत आहे. मनाला न पटणाऱ्या अनेक गोष्टी या धकाधकीच्या काळात आता त्यांना नाईलाजाने कराव्या लागत आहेत. त्यांचा तेजोभंग सातत्याने होत असतो.पूर्वीच्या एकराजपद्धतीत सिंह राशी अर्जुनासारखी तळपत होती. आताच्या प्रजापक्षात ती कर्णासारखी झाकोळून येत आहे. अपमानीत होत आहे सूर्यपुत्र असून सुद्धा.

१८) रविसारख्या तेजाचा सिंह राशी ही खरोखरच जुन्या काळची सुवर्णमुद्रा आहे. परंतु हल्लीच्या करन्सीमध्ये ती चालत नाही.  सिंह राशीच्या व्यक्ती  फार लोकप्रिय होत नाहीत. कारण दुसऱ्याला गोड बोलून,खोटे  सांत्वन करण्यापेक्षा हिताच्या चार गोष्टी परखडपणे सांगून, त्यांचे डोळे उघडण्याकडे कल असतो. हेतू शुद्ध पण पद्धत रुक्ष, सिंहेच्या तेजस्वी व्यक्तीला बोटचेपेपणा, लांगूलचालन,खुशामत करणे, वशिलेबाजी, खोटे बोलणे, आपली पत विसरून खालच्या पातळीवर येऊन बसणे मुळीच जमत नाही. मोडेन पण वाकणार नाही हा त्यांचा बाणा असतो. 

१९) अंधश्रद्धा असत नाही ही मात्र व्यक्ती आस्तिक असते ; पुराणांपेक्षा देवावर, तत्वज्ञानावर श्रद्धा असते. रविच्या तेजात काही लपत नाही. सिंह व्यक्तीला लपवाछपवीपेक्षा परखड सत्याला सामोरे जाणे आवडते.सिंह हे कडू औषध आहे. बाप दाखव नाही तर श्राद्ध कर ही परखड वृत्ती असते. स्वभावाने स्पष्ट  असलेली ही व्यक्ती कर्तृत्ववान, निश्चयी, विश्वासू, शीलवान असूनही हल्ली मागे पडलेली दिसते. हा त्यांचा दोष नसून काळानं उगवलेला सूड आहे. म्हणूनच जगात हल्लीच्या राजकारणात
सिंहेचा विचार होत नाही. मात्र रविबळ असल्याने एखाद्या अधिकाराच्या जागेवर सिंह व्यक्ती,लवकर चढू शकते. शोभू शकते. जबाबदारीची उत्तम जाणीव, नीतीमत्ता व तेजस्वी तत्वप्रणाली या गुणांमुळे जबाबदारीच्या जागेलाही व्यक्ती न्याय देऊ शकते !

२०) ऋण बाजूत सिंह राशी त्रासदायक ठरते. पोकळ डौल, मानसन्मानाच्या फालतू कल्पना,अहंभाव, स्वत:च्या तोऱ्यात  रहाणे, स्तुतिप्रियता, हृदयविकार होणे, पाठीच्या कण्याला इजा होणे, अस्थिभंग होणे, पित्त विकाराने हैराण होणे, दुसयाची निंदानालस्ती करणे, शिष्टपणा इत्यादी दोष संभवतात.

२१) सिंहेचे व्यापारी सचोटीचे परंतु अयशस्वी असतात. तत्वज्ञान विषय सिंह विद्यार्थ्यांना फारच आवडेल.

२२) थोडक्यात प्रकृतीने सुदृढ, उच्च विचारांची, सहसा कधी आजारी न पडणारी, स्वाभिमानी,परखड स्वभावाची ही राशी असूनही सांप्रतच्या काळात अप्रिय आहे. मात्र म्हणून तिचे मूल्य कमी आहे असे मुळीच नाही.


२३) शुभ रंग :- सिंह राशीच्या जातकांना नारंगी रंग विशेष लाभदायक असतो. जर त्यांनी हा रंग वापरला तर त्यांच्या व्यक्तिमत्त्वात चुंबकीय आकर्षण निर्माण होते. या व्यतिरिक्त वांगी रंग, लाल रंग आणि मोनेरी रंग यांचा शुभ रंग आहे. विशेष करुन रविवारी नारंगी आणि सोनेरी रंगाचे कपडे वापरावेत निदान या रंगाचा हातरुमाल जवळ बाळगावा अंगावर सोने हा धातू धारण करावाच पिण्याच्या पाण्याचा माठ लालरंगाचा असावा विद्यार्थ्याच्या टेबलवर लाल रंगाचे पाणी ग्लासात भरुन ठेवावे.

२४)  
अशुभ रंग :- राखी व आकाशी हे रंग सिंह राशीच्या जातकांसाठीअशुभ ठरतो. तो त्यांनी अजिबात वापरु नये व्यक्तिमत्त्वातून नकारात्मक किरणे उत्सर्जित होतात. वाहन खरेदी करताना राखी व आकाशी रंगाची वाहने घेऊ नयेत.
२५) शुभ वार :- रविवार, बुधवार आणि गुरुवार हे शुभवार आहेत.
       अशुभवार :- शनिवार हा अशुभ वार आहे.

२६)  अशुभ तारखा:-,,१५, १७, २४ या तारखा सिंह राशी अशुभ ठरतात.
२७) उपास्य देवता :- श्री गणेश, श्रीराम, श्रीरवि या उपास्यदेव आहेत. यांची उपासना केल्यास अनिष्ट     दूर होऊन जवळ येईल
२८)  भाग्य रत्न:-   माणिक किंवा पुष्कराज हो सिंह राशीची भाग्यरलेआहेत. माणिक हे रत्न सोन्यामध्ये करंगळीशेजारील बोटात वापरावे.किंवा पुष्कराज हे रत्न सोन्यामध्ये पहिल्या बोटात (तर्जनीत)वापरावे. माणिक हे रत्न रविवारी सूर्योदयाच्या वेळेस वापरण्याससुरुवात केली तर उत्तम. तसेच पुष्कराज हे रत्न गुरुवारी किंवा गुरुपुष्यामृत योगावर वापरण्यास सुरुवात केले तर उत्तम. ही रत्ने सिद्ध करुन मगच वापरावीत.

२९) जन्मलग्न सिंह असता धनस्थानी कन्या रास येत असल्याने - चेहरा तरतरीत दिसत असल्यामुळे वयापेक्षा तरुण भासतात. हे लोक बोलाचालीत फार चतुर असतात. प्रत्येक गोष्टीची बारीक-सारीक चिकित्सा करतात. दुसऱ्याची कुचेष्टा करणे, टर उडविणे, विनोद करणे यांना आवडते. काहींच्या चेहऱ्यात व बोलण्यात तीव्रता असते. पैशाच्या बाबतीत हे अत्यंत व्यवहारी असतात. फालतू खर्च करणार नाहीत. लेखन,प्रकाशन, स्टेशनरी, वैद्यकी, अध्यापन, अकाउंटस् ठेवणे, हिशेब तपासणे या कामांपासून धन मिळते. डॉक्टर्स, कंपाउंडर्स, नर्सेस यांच्या धनस्थानी ही रास असते. ही राशी रवीने व्याप्त असेल तर वरिष्ठांपासून फायदे होतात. चंद्र व शुक्राने व्याप्त असेल तर हिऱ्यामोत्यांची, वाहनांची प्राप्ती होते. बुध बिघडल्यास वाणी-दोष असतो. बोलण्यात फसवाफसवी असते. कित्येक वेळा बोलणे उथळ असते. अर्थप्राप्ती विशेष नसते.

३०) जन्मलग्न सिंह असता तृतीयात तूळ रास असल्याने - मनुष्य फार मोठा अधिकार प्राप्त करू शकतो.ही शुक्राची रास असल्याने नाट्य, संगीत, अभिनय या कलेच्या क्षेत्रात यशस्वी होतो. शनीसारखा ग्रह येथे असल्यास राजकारणात बाजी मारून सत्ता मिळवतो. ही माणसे रेडिओ, टी. व्ही., नियतकालिके ही प्रसारामाध्यमे, रेल्वे-बसेस विमाने ही संचारमाध्यमे, नाटक-तमाशा-सिनेमा ही करमणुक माध्यमेयासारख्या ठिकाणी कार्यरत असतात. संगीतज्ञ म्हणून हे लौकिक मिळवतात.धंदाव्यवसाय करण्याच्या निमित्ताने यांचा खूप प्रवास होतो. यांचे शेजारी कलावंत मंडळी असतात. यांचे हस्ताक्षर सुंदर असते. यांना बहिणींचे सुख चांगले मिळते. भावांचीही मदत होते. ऑफिसमध्ये काम करणाऱ्या व्यक्तीशी प्रेमसंबंध व विवाह जमू शकतो.शुक्र दूषित असता सिनेमा-नाटके-तमाशा आदी गोष्टींसाठी व लैंगिक सुखासाठी पैसा बरबाद करतात. संगत खराब असते. व्यवहारात अपयश येते.अक्षर वाईट असते. धंदा व चैनबाजी यांचा मिलाफ करतात.

३१) जन्मलग्न सिंह असता चतुर्थात वृश्चिक राशी येत असल्याने - जन्माच्या वेळेच्या आसपास कुणाचा तरी मृत्यू झालेला असतो किंवा मातेला प्रसूतीच्या मरणतुल्य वेदना होतात. मातेचा स्वभाव फार कडक व करारी असतो. येथे पापग्रह दूषित असता मातेचा लहानपणीच मृत्यू होतो. घरातील वातावरण कडक शिस्तीचे असते. यांच्या जन्माच्या वेळी वडिलांनी एखादी नवी जागा अगर एकादे वाहन खरेदी केलेले असते. निदान एखादी शुभ घटना वडिलांच्या संबंधात घडते.मंगळ बलवान् असल्यास वंशपरंपरागत जमीनजुमला, घरदार मिळते.घरामध्ये यांचा कडक अंमल असतो. घरामध्ये सर्वांनी आपले अंकित राहावे असे वाटते. मातेच्या बाबतीत मात्र हे सौम्य असतात. घरामध्ये राजशाही थाट हवा असतो. यांचे उच्च शिक्षण चांगले होते. त्याकरिता परदेशगमनही होते.एखादी परदेशी डिग्री असते. चतुर्थात वृश्चिक रास असता- खाचरात जन्माला येऊन महालात राहायला जातात.वृश्चिक राशी पापग्रहयुक्त असता व मंगळ दूषित असता या माणसांना गुन्हेगारी लोकांची संगत लाभते. घरातील वातावरण संशयप्रस्त, स्वार्थी, आपमतलबी लोकांनी दूषित झालेले असते. या लोकांचे मन सदैव कलुषित व तिरस्काराने भरलेले असते. शनी, राहू यांनी बिघडलेली वृश्चिक रास भूतपिशाच्चांचे (Haunted) घर दर्शवते.कोणी मृतात्मा या घरात वास्तव्य करीत असतो. यांचे पूर्वज अतृप्त अवस्थेतमृत पावलेले असतात. घरात अशांती व असमाधान असते.


३२) जन्मलग्न सिंह असता पंचमात धनु राशी येत असल्याने धनु राशी ही अल्पसंतती देणारी राशी आहे.यांना एखादा पुत्र असतो. गुरू दूषित असल्यास वा पंचमात स्त्रीग्रह असल्यासकेवळ मुलीच होतात. पंचमात राहू असल्यास गर्भपात होतात. परंतु गुरू बलवान् असल्यास काही दैवी उपायांनी मुलगा होतो. पंचमेश गुरू व पुत्रकारक गुरू हे एकच असल्याने तो शुद्ध स्वरूपात असल्यासच पुत्रसंतती होते.अन्यथा वाईट फल मिळते. मात्र हा एकच पुत्र असला तरी महान् बनतो.एखाद्या क्षेत्रात हा मानसन्मान मिळवतोच.
गुरू धनकारक असल्याने पंचमात धनु राशी असता- हे लोक सट्टा, जुगार,रेसेस या मार्गाने धन मिळविण्याचा प्रयत्न करतात. हे एखाद्या क्लबचे मालक असतात. हे घोड्यांच्या शर्यतीमध्ये विशेष रस घेतात. रेसकोर्सचे जॉकी बाक्लबमध्ये पत्ते कुटणारे जुगारी यांच्या पंचमात धनु रास असते. हे लोकनाटक, सिनेमाशीही संबंधीत असतात.कायदा, तत्त्वज्ञान, शिक्षण, धर्म, अर्थशास्त्र यापैकी एखाद्या विषयात हे प्रावीण्य संपादन करतात. त्यासाठी हे वाटेल तेवढी मेहनत घेतात. यामध्ये ते शिखर सर करतात.मात्र गुरू दूषित असल्यास हे पोकळ बढाया मारतात. प्रत्यक्ष बौद्धिक करामतीपेक्षा बडबड जास्त असते. लैंगिक जीवनही बरबटलेले असते. नीति-शास्त्र केवळ भाषणात राहाते. गुप्तपणे वा उघड सर्व निंद्य कर्मे करतात.

३३) जन्मलग्न सिंह असता षष्ठात मकर राशी येत असल्याने-  ह्यांना शत्रू खूप असतात. परंतु ते ह्यांना टरकून असतात. ह्यांचे विरोधक महाकारस्थानी, पाताळयंत्री व स्वार्थी असतात.ह्यांच्या समोर ते काही बोलत नाहीत पण मागाहून काड्या घालण्याचे धंदे
करतात. ह्यांची इतरांना कमी लेखण्याची वृत्ती असल्याने शत्रुत्व ओढवूनघेतात. विवाहामुळे शत्रुत्व निर्माण होते. सासरची माणसे वैरी बनतात. ह्यांच्या आवडी-निवडी खूप असल्यामुळे हलक्यासलक्या गोष्टींचा हे तिरस्कार करतात. व्यापारधंद्यात ह्यांचे खूप प्रतिस्पर्धी असतात.
ह्या स्थानची मकरराशी गुडघे दुबळे करते. गुडघ्याची वाटी सरकणे,संधिवात, थंडीचे विकार, उन्माद, हृदयविकार, रक्तदाबाचे विकार, चामडीचेरोग, पक्षाघात आदी विकार निर्माण होऊ शकतात.मकरराशी खाणी, कोळशाचा धंदा, शिसे, स्थावर मालमत्ता, शेतीवाडी,लाकडे विकणे, पाथरवट, प्लंबर, गवंडी, कष्टाच्या नोकऱ्या, म्युनिसिपालिटी,
लोकलबोर्ड, बिल्डर्स, सरकारी व निमसरकारी नोकऱ्या दर्शविते. सर्व्हेअर्स,कातडी कमावणारे, बिल्डिंग मटेरियल विकणारे, खोदकाम करणारे, धातूवरकोरीव काम करणारे या राशीवर जन्मतात.
मकर राशी दूषित असता आरोग्य चांगले नसते. लायकीपेक्षा कमी प्रतीची
नोकरी मिळते. प्रकृतीच्या तक्रारीमुळे नोकरीत दांडया खूप पडतात. पत्नी रोगट प्रकृतीची असते. मामांचे सुख नसते. शनी बिघडल्यास नोकरीत कष्टाचे काम करावे लागते. परंतु बलवान् असल्यास आपला दरारा सर्वत्र पसरवतात.


३४) जन्मलग्न सिंह असता सप्तमात कुंभरास येत असल्याने- असता बहुधा विजोड जोडपे असते. नवरा उंच तर पत्नी ठेगू, तर बहुधा नवऱ्यापेक्षा पत्नी एखादा इंच उंच असते. शिक्षणामध्ये दोन टोके, रंगामध्येही तसेच! नवरा काळा तर पत्नी पिठासारखी गोरी. कुंभरास खालच्या जमातीत वा कनिष्ठ दर्जाची पत्नी दर्शविते. स्वभावभिन्नताही
आढळते. कधी भिन्न धर्मीय विशेषतः मुस्लीम धर्मीय पत्नी असते. शनी शुभ
असल्यास विवाह संपन्न घराण्यात होतो. विवाहानंतर ऊर्जितावस्था येते. पत्नी
विद्याव्यासंगी, हुशार, बहुश्रुत, स्मरणशक्ती चांगली असलेली व एकनिष्ठ
असते. ती सुसंस्कृत घराण्यातील असते.
कुंभरास जर दूषित असेल तर विवाह होत नाही वा विवाहापासून सुखलाभत नाही. पत्नी दूर राहाते किंवा तिला सतत काही तरी आजार असतात.ती वंध्याही असू शकते. दीर्घकाळानंतर घटस्फोट वा वियोग होतो. शनी जरशुक्रासहित वा त्याच्या राशीत दूषित असेल तर स्त्रीचे चारित्र्य संशयास्पदअसते. विवाहामुळे अपकीर्ती होते. कुंभरात विधवा वा घटस्फोटिता स्त्रीशी विवाह दर्शविते. कधी कधी स्त्री वयाने फारच मोठी असते. परदेशात राहाणाऱ्या व्यक्तीशी विवाह होतो. मालमात्र ह्यांचे विवाह बहुधा यशस्वी झालेले आढळतात. सप्तमस्थानाबरोबर इतर गोष्टी बिघडल्या तरच घटस्फोट होतो
भागीदारीतील धंद्यात हे यशस्वी ठरतात. शनी ३।९।१२ या स्थानी असेल
तर प्रवास होतात.तिशीनंतर किंवा त्यापेक्षाही उशीरा ३६।३७व्या वर्षी विवाहयोग संभवतो.


३५) जन्मलग्न सिंह असता अष्टमात मीन रास येत असल्याने- मीन रास ही बलराशी असून तिचा पायावर अंमल आहे. ह्या राशीचा मालक गुरू आहे.. पायाला मार लागणे  ही गोष्ट संभवते किंवा गुरू मंगळाने युक्त वा दृष्ट असेल तर अपघात वा शस्त्राने मृत्यू संभवतो. ही अत्यंत दुबळी रास असल्याने आत्महत्येने मृत्यू येऊ शकतो किंवा साधुसंतांप्रमाणे शांतपणे मृत्यू येतो.अपघाताने मृत्यू पाण्यात येईल. 
ह्या लोकांना सट्टा, जुगार, रेस ह्यासारख्या झटपट पैसे कमवायच्या मार्गाची आवड असते व तसा पैसा खूप मिळतो. ह्यांच्याकडे बेहिशेबी धन असू शकते.
ह्यांना तत्त्वज्ञानाची आवड असते; अध्यात्माचा अनुभव घेण्यासाठी प्रयत्नशील असतात.


३६) जन्मलग्न सिंह असता  नवमस्थानी मेष राशी येत असल्याने-- वडिलांचा स्वभाव तापट, उतावळा व चंचल असतो.मेष रास प्रवास खूप दर्शविते. वयाच्या २८ व्या वर्षी भाग्योदय होतो. ह्यांच्या हातून धर्मकर्म थोडे होते. हे सिद्धिविनायकाचे भक्त असतात. लाल रंग व ९ हा अंक ह्यांना शुभ असतो. यांचा भाग्योदय जन्मभूमीतच होतो. यांना उच्चशिक्षण लाभते. वडिलांशी यांचे फारसे जमत नाही. नित्योपासनेत दृढनिश्चयाचा अभाव असतो. मंगळ दूषित असता पितृसुख लवकर नष्ट होते. उच्च शिक्षणात अडथळे व धर्मावर विश्वास नसणे या गोष्टी अनुभवास येतात. जर हे धार्मिक असतील तर धर्मान्धता वा धर्मविषयक एकतर्फी मते असतात.

३७) जन्मलग्न सिंह असता  दशमस्थानी वृषभ रास येत असल्याने-- चिकाटी, दृढनिश्चय व व्यवहारी दृष्टिकोण,सौंदर्यदृष्टी, नादलुब्धता, स्थैर्य, चैन, सुखलोलुपता हया गुणवैशिष्टयांना पोषक असे धंदे-व्यवसाय-नोकऱ्या ही माणसे करतात. ही नैसर्गिक धनस्थानाची राशी असल्याने ज्या ठिकाणी चांगला पगार मिळतो त्या ठिकाणी हे लोक कार्यरत असतात. दशमात वृषभ राशी असता प्रामुख्याने पुढील धंदे आढळतात.
सावकार, भांडवलदार, बँकर्स, चैनीच्या-शोभेच्या-स्त्रियांच्या वस्तूंशीसंबंधीत, सौंदर्यप्रसाधने-सुवासिक तेले व अत्तरे-रत्ने व जडजवाहीर विकणारे,स्टॉक-ब्रोकर्स, कॅशियर्स, खजिनदार, सट्टाबाज, जुगारी, शेतकरी, माळी,नर्सरी-मालक, फूलवाले, संगीतकार, नट, गायक, नर्तक, वाद्यवादक, सिनेमा-नाटक यांशी संबंधीत, शिंपी, चित्रकार, पेंटर, नक्षीकाम करणारे, फोटोग्राफर्स,शिल्पकार, शिल्पशास्त्रज्ञ, बाहनांचे मालक, साहित्यिक, नाटककार, कवी, रबर-अभ्रक-प्लॅस्टिक-तांदूळ-दूध-डेअरी प्रॉडक्टस कापूस-सिल्क-साखर-काच-फर्निचरविकणारे इत्यादी.
ही राशी बिघडली असता हलक्या व बीभत्स प्रकारे मनोरंजन करणारेलोक असतात. शुक्र दूषित असता अंमली पदार्थ, दारू विकणारे, जुगार अड्डा चालविणारे, जारण-मारण करणारे मांत्रिक असतात.शुभग्रह युक्त असता मनुष्य सत्कर्मयुक्त असतो.

३८) जन्मलग्न सिंह असता लाभस्थानात मिथुन रास येत असल्याने-- असता बुद्धिजीवी वर्गात मित्र असतात. यांचे मित्र स्वभावतः चंचल व व्यवहारी वृत्तीचे असतात. यांना त्याच वृत्तीने मदत करीत असतात. यांची आर्थिक स्थिती उत्तम असते. व्यापारामध्ये, दलालीच्या व्यवहारात, सट्टा-लॉटरीत यश मिळते. शेअर्समध्येही ह्यांचे  नशीब चांगले असते. अनेक मार्गांनी ह्यांना सतत लाभ होत राहातात.  पैशाचा वापरही चातुर्याने करतात. वक्तृत्वापासून ह्यांना धनलाभ होतो. नोकरीपेक्षा अन्य मार्गात हे अधिक यशस्वी होतात.
मिथुन राप्त दूषित असता मित्र लबाड, स्वार्थी, फसव्या वृत्तीचे, लोमी असतात. त्यांच्यामुळे आर्थिक अडचणी येतात. वडील भावंडांसाठी पैसा खर्चावा लागतो. ह्यांच्या आर्थिक अपेक्षा फार मोठ्या असतात व त्या अपुऱ्या राहातात, वाहनांना अपघाताचे भय संभवते. ह्या ठिकाणी मिथुन रास वा बुध मंगळाने दूषित असता मित्रांवर कधीच विसंबू नये वा जामीन राहू नये.

३९) जन्मलग्न सिंह असता  व्ययस्थानी कर्क येत असल्याने-- असता भटकी वृत्ती असते. ह्यांना  प्रवास आवडतात. सार्वजनिक स्वरूपाच्या गोष्टींमध्ये पैसा खर्च करतो. विवाहित स्त्रियांचा भोक्ता असतो. पिण्याचे व्यसन असू शकते. अपकीर्ती होते. दूषित चंद्र चांगली झोप देत नाही. सारखी स्वप्ने पडत असतात.  खर्चाचे प्रमाण अनियमित असते. पाण्यापासून अपघात संभवतो. आईचे सुख लवकर नष्ट होत असते.
कर्क रास शुभयुक्त असता आध्यात्मिक अनुभूती येते. दिगंत कीर्ती लाभते.आचरण चांगले असते. मंगलउत्सवासाठी धन खर्च होते. मातृसुख चांगलेमिळते व ती यांच्या उर्जितावस्थेसाठी सर्वतोपरी प्रयत्नशील असते. द्रवपदार्थांशी संबंधीत असलेल्या कंपन्यांत आर्थिक गुंतवणूक होते. सार्वजनिक जीवनात प्रसिद्धी लाभते.






Tuesday 7 April 2020

कर्क लग्न / कर्क रास (Cancer Ascendent / Moon in Cancer)


कर्क लग्न / कर्क रास

ज्योतिषशास्त्राचा अभ्यास करतानाव्यक्तीची जन्मकुंडली महत्त्वाची मानली जातेव्यक्तीची जन्मतारीख - जन्मवेळ आणि जन्मठिकाण या तीन गोष्टी अचूक असतील तरपंचागांच्या आधारे त्याची जन्म कुंडली मांडली जाते. जन्म क्षणी पूर्वक्षितिजावर जी रास उदित असते तिला 'लग्नरासअसे म्हटले जाते. त्या स्थानापासून सुरुवात करूनबारा स्थानांमध्ये बारा राशीची विभागणी केली जाते. नंतर ज्या राशीत जे ग्रह असतील ते मांडले जातात व 'जन्मलग्नकुंडलीतयार होते. कुंडलीत असलेली ग्रहस्थितीस्थाने आणि स्थानगत राशी यांचा एकत्रित अभ्यास म्हणजे कुंडलीचा  अभ्यास  होय.  कुंडलीतील बारा स्थाने  व त्यावरून पाहावायच्या प्रमूख गोष्टींचा तक्ता खालीलप्रमाणे :--




 जन्मकुंडलीमध्ये लग्नस्थान हे अत्यंत महत्त्वाचे स्थान आहे. या स्थानावरून स्वरूपशरीराची ठेवणस्वभावप्रकृतीप्रवृत्तीजातत्वचाआरोग्य व रोगप्रतिकार शक्तीव्यक्तिमत्त्वचारित्र्य,जीवनाकडे बघण्याचा दृष्टिकोनआयुष्याचा प्रारंभ व एकंदरीत आयुष्य कशा प्रकारचे असेल याचा विचार करतात. त्यामुळे जन्मलग्नी उदित असलेली राशी अत्यंत महत्त्वपूर्ण भूमिका बजावते. या राशीचा अधिपती बहुतेक कुंडल्यांत त्या कुंडलीवर वर्चस्व गाजवतो. त्याच्या शुभाशुभ स्थितीनुसार आयुष्यात सुखदुःखे अनुभवास येतात जातकाच्या एकंदर व्यक्तिमत्त्वाचा विचार या स्थानावरून केला जातो. या स्थानातील राशी व ग्रह यांचा जातकाच्याव्यक्तिमत्त्वावर जोरदार परिणाम होत असतो.
कर्क लग्न / कर्क रास


जन्मकुंडलीमध्ये प्रथमस्थानात  कर्क (४) रास असता अथवा व्यक्तीची जन्मरास (चंद्र)  कर्क राशीत  असता,  जातकाच्या व्यक्तिमत्त्वाविषयी तसेच आयुष्याबाबत  सर्वसामान्यत पुढील गॊष्टी आढळून  येतात :-

१) कर्क ही राशिचक्रातील चौथी रास असून, या राशीचा स्वामी चंद्र हा मातेचा कारक ग्रह आहे. 
जल तत्त्वाची / चर तत्त्वाची / (विप्र) वर्णाची सत्त्वगुणी रास असून शरीरातील हृदयावर हिचा अंमल     असतो. या व्यक्ती आकर्षक व्यक्तिमत्त्वाच्या असतात. 

२) कर्क ही चंद्राची राशी असून, या व्यक्ती अत्यंत परिश्रम घेणाऱ्या आढळतात; परंतु श्रमाच्या मानाने यांना यश मिळतेच असे नाही.,त्यामुळे या निराश होतात. या व्यक्ती न्यायप्रिय, पक्षपात न करणाऱ्या आणि इमानदार असतात. यांना संसारसुख बेताचेच मिळते. कारण पति-पत्नींच्या विचारात मतभिन्नता असते. या दूरदर्शी व काटकसरी असतात; परंतु प्रसंगी या फार कृपणही बनतात.

३) कर्क ही रास निसर्गकंडलीत चतुर्थ स्थानामध्ये येते. चतुर्थ स्थान हे गृहसौख्याचे,आरामाचे आणि वाहनसौख्याचे स्थान असल्याने, या व्यक्तिनां खाणे आणि झोप फार प्रिय असते. विविध प्रकारचे आणि विपुल खाणे,आराम करणे, निवांत झोपणे ह्याची आवड असते. अंगमेहनतीचा त्यांना कंटाळा असतो. निवांत, शांत, चैनीत, छानछोकीत राहणे यांना आवडते. त्यामुळे प्रेमळपणे, भावनिक दबाव टाकून दुसऱ्यावर हकूमत गाजवत काम करायला लावणे यांना आवडते. प्रवासासाठी जाणे किंवा अगदीच थोड्या अंतरावर जायचे असेल तरी गाडीनेच जायला यांना आवडते वाहनसौख्याची खूप आवड असते.

४) आई-वडील, मुले-बाळे, पत्नी किंवा पती यांच्यावर यांचे विशेषप्रेम असते. कुटुंबियांमध्य रमणे यांना मनापासून आवडते.एकलकोंडे राहणे यांना आवडत नाही. कर्क राशीची माणसे समाजप्रिय असतात.

५) कर्क ही रास चरतत्त्व, स्त्रीराशी आणि जलतत्त्वाची असल्यामुळे, यांना पाण्याची ठिकाणे आवडतात. तसेच यांच्यामध्ये प्रवाहीपण असते “पानी तेरा रंग कैसा?" या प्रश्नाचे जसे 'जिस में मिलाओ वैसा' हे उत्तर आहे तद्वत ही माणसं असतात. ते कोणत्याही वर्गातल्या गटातल्या, वयाच्या माणसाबरोबर सहज जमवून घेतात.


६) चंद्रासारखे शीतल आणि मनोहारी कर्क राशीचा स्वामी चंद्र असून, त्याच्या अंमलाखाली ही एकच राशी येते. या सर्व गुणांमुळे हया राशीचे जातक हळवेभावनाप्रधान प्रेमळ असतात या राशीच्या व्यक्ती प्रेमळ व कोमल असल्या तरी या व्यक्ती त्यांच्या काही व्यक्तिगत मतात, तत्वात तडजोड करीत नाहीत.

७) या व्यक्तिचा जीवनाकडे पहाण्याचा दृष्टिकोन बौद्धिक नसून, भावनिक  असतो चंद्राप्रमाणे या व्यक्ती अस्थिर, चंचल असतात. भावनाप्रधानता, कल्पनेच्या उत्तुंग भरारी , सहानुभूती, संवेदनशीलता, गृहजीवनाची व जलाशयाचीआवड, धार्मिक, प्रेमळ, जठराग्नी प्रदीप्त, चिडचिड्या, कामी, भोगलोलुप अशी कर्क राशीची फले आढळतात.

 ८) कर्क या लग्नाचे लोक खूप लोकप्रिय होतात. यांना समाजजीवनाची आवड असते. लोकांना या व्यक्तींचे अद्भूत आकर्षण असते.जलाशयाशी संबंधित सर्व व्यवसाय, हॉटेल्स, खाण्याच्या पदार्थांची दुकाने इत्यादी नोकरी धंद्याशी संबंध येतो.

९) कर्क ही रास,प्रवाहाबरोबर राहणारी असल्याने देवधर्मावर यांची बरीच निष्ठाअसते. या राशीच्या व्यक्तींची मनं वाहत्या पाण्यासारख्शी स्वच्छ आणि निर्मळ असतात. कोणतीही गोष्ट मनात लपवणे किंवा कुढत बसणे यांना जमत नाही. त्यामळे या राशीच्या लोकांच्या जीवनात सुख व आनंद कायम स्वरुपी असतो.

१०) कर्क व्यक्तींनी मन सतत प्रसन्न ठेवून सहसा कोणाशी वैर करू नये. मन प्रसन्न असेल, घरात समाधान असेल तर कर्क व्यक्ती दीर्घायुषी होते.

११) कर्कच्या व्यक्ती विशेषत: स्त्रिया प्रेमळ पण काही बाबतीत निश्चयी, प्रपंचात रमून गेलेल्या, गृहकृत्यदक्ष, धार्मिक वृत्तींच्या, घरगुती कलांमध्ये निपुण असलेल्या, स्वयंपाक घराबर फार प्रेम करणाऱ्या, सतत कसल्या ना कसल्या घरकामात गढून गेलेल्या, स्वच्छतेची (विशेषतःस्वयंपाकघराची) आवड असलेल्या, स्वत:पेक्षा नवऱ्याच्या, मुलांच्या कपड्यालत्त्यांकडे पणाची दक्षता घेणाऱ्या, सणवार किंवा धार्मिक कार्यात उत्साहाने भाग घेणाया, घरचेयोग्य तहेने सांभाळणाऱ्या अशा असतात.

१२) कर्क राशीच्या व्यक्तींना मनाने समजून घ्यावे लागते. हृदयाची भाषा जो जाणतो तोच
या राशीवर प्रेम करू शकतो. अलंकाराने, पैशाने, वस्त्राने ही राशी प्रेम करू शकणार नाही,
तर फक्त प्रेमाने प्रेम करू शकेल. 'Heart has no language, it speaks to the heart.''
हे कर्क राशीच्या व्यक्तींच्या सहवासात पटते.

१३) कर्केच्या  राशीच्या स्त्रियांची आकर्षण-शक्ती चांगली असून या व्यक्ती समाजामध्ये लोकप्रिय असतातया स्त्रिया सुस्त आणि आळशी असतातयांना झोप फार प्रिय असते कष्टाच्या कामाचा कंटाळा असतो. 

१४) कर्केच्या  राशीच्या स्त्रिया उत्तम परिचारिका असतात. त्या  पतिव्रता असतात. त्यांच्या ठिकाणी विलक्षण श्रद्धा, पावित्र्य, अंतरीचा मोठेपणा, भाबडेपणा, त्यागी वृत्ती असते.  ही राशी धन बाजूत सुगृहिणी होते, परिपक्व कलावंत,माँटेसरी-शिक्षिका इत्यादी दर्शविते तर ऋण बाजूत मानसिक रोग, अनियमित मासिक धर्म,मनाचा तोल ढासळणे, मानसिक त्रास दर्शविते, वात्सल्य हा या राशीचा गाभा असल्याने या राशीच्या व्यक्तीस शृंगार जमेलच असे नाही. म्हणून वधुवरांच्या गुणमेलन पद्धतीत या
व्यक्तींचा जोडीदार खूप कामूक वृत्तीचा, प्रणयाची अपेक्षा करणारा, थिल्लर, कठोर अंत:का नसावा. कर्केची व्यक्ती प्रेम करू शकते, प्रणय नव्हे. 

१५) कर्केच्या व्यापारी वर्गास पांढऱ्या प्रवाही पदार्थांचे व्यापार, गृहोपयोगी वस्तूंचा व्यापार,
चांदी, दूध, दही, फळाफळावळ, बागायती भाज्यांचा व्यापार लाभतो. आयुर्वेदिक डॉक्टर या
-राशींवर यशस्वी होतो. कारण चंद्र वनस्पतींचा कारक असतो. कर्केच्या विद्यार्थ्यांना मानसशास्त्र,
मानसरोगतज्ज्ञ, स्त्रियांच्या रोगांचा तज्ज्ञ, माँटेसरी शिक्षणतज्ज्ञ, केटरिंग तज्ज्ञ होता येईल.


१६) कर्क राशी भावनाशील असल्यामुळे यांचे निर्णय ठाम नसून स्वत:चे मत नसते. संगतीचा यांच्यावर परिणाम होतो. दुसऱ्याचे म्हणणे ऐकून वागण्याचे तंत्रल्याने नुकसान होण्याचा संभव असतो. 

१७) थोडक्यात सांगायचे झाले तर या राशीच्या लोकांनी आळशीपणा, सुस्तपणा, आराम झटकून काम केले पाहिजे.  कडकपणा आणि करडेपणा हा यांच्या स्वभावाची भाग नसला तरीवेळ प्रसंगी गरज असेल तेव्हा तसे तसे वागले पाहिजे. भावनेने निर्णय न घेता भावना आणि बुद्धी यांचा समन्वय साधत स्वत:च्या विचाराने योग्य तो निर्णय घेऊन त्याची निश्चयी पणे अंमलबजावणी करणे गरजेचे आहे.

१८) प्रकृती स्वास्थ्य:- सुखवस्तू लोकांना होणारे आजार जसे मधुमेह, रक्तदाब, वात, अपचन आतड्याचे विकार, हृदय विकार छातीशी संबंधित विकार होतात. अपचन, मळमळ,असिडिटी,मानसिक त्रासाने निद्रानाश  हे कर्केचे सर्वसामान्य त्रास असून, कर्क स्त्रियांना डोहाळे कडक लागतात, असा अनुभव आहे.


१९) कर्क  राशीच्या माणसांना आयष्याच्या उत्तरार्धात भाग्योदय होतो आणि वैवाहिक सौख्य चांगले मिळते.मुलाबाळांशी विशेष पटत नाही.


२०) कर्क राशीचे पुरुष उंच भारदस्त शरीराचे व प्रमाणशीरबांध्याचे असतात. चेहरा प्रसन्न आणि शांत असतो. कुटंबावर यांचे विशेष प्रेम असते. अठरा वीस तास ऑफिसमध्ये कष्ट करुन पद,
प्रतिष्ठा मिळविण्याची यांना लालसा नसते तर कुटंबाला वेळ देणं,त्यांच्याबरोबर फिरायला जाणे. खरेदीला जाणे यामध्ये त्यांना रसअसतो. हे पुरुष कुटुंबवत्सल असतात.

२१)  नोकरी -- सर्व प्रकारच्या द्रव पदार्थाचा जसे दूध,शीतपेये व्यवसाय किफायतशीर ठरतो. याशिवाय
 शेतकरी, भाजीपाला यासारख्या क्षेत्रात यश मिळते.चांदी, हिरे, माणिक यांचा व्यापाररास अनुकूल .  

२२) कर्क राशीच्या राजकारणासाठी ही रास उत्तम असते. राजे, युवराज ,न्यायाधीश, वकील, परदेशी वकील, राजकीय मुत्सद्दी, राजकारणी,सरकारी अंमलदार सरकारदरबारी मोठया पदावर काम करणारी
माणसे या कार्यक्षेत्रावर प्रभाव आहे.

२३) कर्क राशीच्या जातकांना निळा, पांढरा आणि हिरवारंग विशेष आवडतो. तरीही भाग्योदयासाठी पिवळा रंग शुभ रंग असतो. जर यांना उदास वाटत असेल तर यांनी लाल रंगाचा वापर करावा. सोमवारी पांढरा समुद्री हिरवा किंवा फिक्कट निळा रंग वापरावा. निदान एक हातरुमाल तरी जवळ ठेवावा. पिण्याच्या पाण्याच्या माठाला पांढरा रंग लावावा.

२४) अशुभ रंग:- कर्क राशीच्या जातकांसाठी काळा रंग अशुभ ठरतो.त्यांनी काळ्या रंगाचे कपडे वापरल्यास नैराश्य येते. दिवसभराची कामे बिघडतात. वाहनखरेदी करताना काळ्या रंगाचे वाहन घेऊ नये.

२५) शुभवार :- सोमवार, मंगळवार, शुक्रवार हा शुभ वार आहे.

२६)  अशुभवार :- बुधवार अशुभ वार आहे.

२७) अशुभ तारखा :- १,१४,१९,२३,२८ या तारखा कर्क राशीसाठी अशुभ ठरतात

२८)  उपास्य देवता:- गणेश,  श्रीशंकर, श्रीकृष्ण या देवतांची उपासना केल्यास अनिष्ट दूर होऊन भाग्यकारक अनुभव येतील.

२९) भाग्यरत्न :- मोती हे रत्न चांदीमध्ये करंगळीमध्ये वापरावे.

३०) कर्क लग्न असता धनस्थानी सिंह रास येत असल्याने,- वडिलार्जित धन व मालमत्ता मिळते. यांची आर्थिक स्थिती चांगली व स्थिर स्वरूपाची असते. कुटुंबात वडिलकीचा मान असतो. चेहरा गोल कपाळ उंच, मोठे तोंड, मोठाले व तेजस्वी डोळे, मोठे दात, आवाजामध्ये हुकुमत असते. यांना त-हेत-हेचे विशेषतः मसालेदार पदार्थ खाणे आवडते. यांची भूक जबरदस्त असते. सरकारमध्ये यांच्या ओळखीची माणसे असतात. त्यांच्यामार्फत हे अनेकांची कामे करतात. यामध्ये आर्थिक लाभही होतात. सरकारी मानधन वा पारितोषिके मिळतात. कित्येक सरकारी नोकरीत काम करीत असतात. रवी बिघडला असल्यास व्यक्ती बढाईखोर असते. नेत्र-विकार व उजवा डोळा कमजोर असतो.

३१) कर्क लग्न असता तृतीय स्थानामध्ये कन्या रास येत असल्याने,- असता भावंडे अल्प असतात. भावंडांचे सौख्य फारसे लाभत नाही. असल्यास यांच्यापासून दूर राहातात. शुभग्रहअसल्यास काही प्रमाणांत शुभ फले मिळतात. साहित्य, टीकात्मक लेखन, हस्तकला, इतिहास,अकाउंटन्सी,वैद्यकी यांसारख्या विषयांची आवड असते. लहान मुले, तरुणी यांच्याशी मैत्री ठेवतात. ही द्विस्वभाव राशी असल्याने मन स्थिर नसते. प्रवासाची आवड असते. दूरचे प्रवासही यांच्याकडून होतात. या लोकांची लेखनशैली चांगलीअसते. थोडक्यात व मुद्देसूद लिहिणे यांना जमते. यांना गूढ विषय, वेदान्त,खगोलशास्त्र यांचेही आकर्षण असते. शिक्षणक्षेत्रात वा बौद्धिक क्षेत्रात यांच्या-कडून विशेष कामगिरी घडते. काही लोक लायब्ररी, लेबोरेटरी, हॉस्पिटल्स,दवाखाने यांसारख्या उपक्रमांस सक्रीय प्रोत्साहन देतात. शेजारधर्म पाळतात.यांच्या लेखनास प्रकाशनाची संधी मिळते.

३२) कर्क लग्न असता चतुर्थस्थानी तूळ रास येत असल्याने,-  व्यक्तीचा जन्म साधारणपणे सुखवस्तू कुटुंबात होतो. या व्यक्ती आपल्या कुटुंबाशी समरस असतात. घरासंबंधी यांना फार आकर्षण असते. यांना फुलझाडांची आवड असते. तरत-हेच्या सुंदर वस्तू जमवण्याचा व घरात ठेवण्याचा छंद असतो. आपले जीवन जास्तीत जास्त सुखी कसे ठेवता येईल या दृष्टीने हे प्रयत्नशील असतात. शुक्र बलवान् वा तूळ रास शुभयुक्त असेल तर गर्भश्रीमंती असते. यांना कशाची कमतरता नसते. घरामध्ये वाहने व नोकरवर्ग असतो. अनेक गोष्टी यांना सहजासहजी मिळतात. यांची माता प्रेमळ व सुंदर असते. घरामध्ये जिव्हाळ्याचे संबंध असतात. शांती, समाधान, सुसंस्कृतता हे घराण्याचे प्रमुख वैशिष्टय असते.तरुण स्त्रियांचा भरणा असतो. संगीत, साहित्य यांची आवड घरातील मंडळींना असते. एखादे वाद्यसुद्धा जवळ बाळगतात. घरामध्ये मित्रमंडळींची येजा सतत असते. उत्तरआयुष्य सुखासमाधानात जाते. परिवार मोठा असतो.

३३) कर्क लग्न असता पंचमात वृश्चिक रास येत असल्याने- विपुल संतती असू शकते. वृश्चिक ही प्रसव रास असल्याने व मंगळही बलवान् पडल्यास संततिनियमन करणे आवश्यक असते. मुले कल्पक, जिगरी, उत्तम मनोबल असलेली व महान् कार्ये करण्यास धडपडणारी असतात.
ही राशी बिघडली असल्यास मात्र फार खतरनाक फले मिळतात.मुले वाईट निपजतात. स्वभावाने ती उपद्रवी, क्षुद्र मनोवृत्तीची, आपमतलबी वर्तनाची असतात. त्यांची लैंगिक वासना प्रबल असून त्यासाठी वाटेल तितक्या खालच्या पातळीवर उतरतात. वृश्चिकेत पापग्रह असून मंगळही दूषित असल्यास गर्भपात, अपुऱ्या दिवसाची संतती, मृतसंतती जन्मास येणे हा अनुभव येतो.
पंचमातील वृश्चिक रास खेळांची आवड देते. यांना व्यायामाचीही आवड असते. यांची बुद्धी तीव्र असते व आकलनशक्ती चांगली असते. गूढशाना-मध्ये हे सहजतेने वावरतात. यांना रसायनशास्त्र, गणित, पुराणवस्तुसंशोधन,वेदादी जुने ग्रंथ यांचा अभ्यास करणे आवडते. यांना पोहण्याची आवड असते.मासे पकडण्याचा छंद असतो.पंचमात वृश्चिक रास लैंगिक वासना प्रबल दर्शविते. या लोकांना गुप्तपणे विवाहबाह्य वासनातृप्ती करण्याची संवय असते. येथे शुक्र असता यांचे चाळे शेजारपाजारी चालतात. यांची प्रेमात फसवणूक होऊ शकते, यांचे प्रेमही फुलपांखरासारखे असते.

३४) कर्क लग्न असता षष्ठस्यानी धनुरास येत असल्याने- असता मनुष्य पराक्रमी व शत्रुहन्ता असतो. हे लोकसत्त्वगुणी असून समाजामधील वाईट व गुन्हेगारी प्रवृत्तींचा नायनाट करतात.यांना स्वातंत्र्याची चाड व अन्यायाची चीड असते. हे लोक वैयक्तिक शत्रुत्व महसा पाळीत नाहीत. धनुरास पापग्रहाने विद्ध असता वा गुरू पापयुक्तअसेल तर हे वैयक्तिक पातळीवर तिरस्कार करतात. हे पंडितांसारखे वादविवाद-काल असन समाजातील विशिष्ट प्रवृत्तींवर टीका करतात. ह्यांना बौद्धिक स्पर्धा आवडत असून आपल्यापेक्षा बुद्धिमान व्यक्तीचा तिरस्कार करतात. त्यामुळे आपल्यापेक्षा उच्च दर्जाची, उच्च वर्णाची व्यक्ती ह्यांची शत्र बनते.. धनुरास अग्नितत्त्वाची असल्याने धाडसाची कामे हे लोक करतात.
ह्या स्थानाची धनुरास प्रकृती चांगली निरोगी ठेवते. जर दूषित असेल तर मांड्या दुर्बल असतात. मंगळ वा शनी या राशीत असल्यास पाय फॅक्चर होतात. गुरू खाण्यापिण्याच्या अनियमितपणामुळे अपचन, अग्निमांद्य, बद्धकोष्ठ हे विकार दर्शवितो. येथे शनी असता ह्यांना क्षयरोग होण्याचा संभव असतो.शुक्र मधुमेह दर्शवितो. गुरू हा वृद्धी करणारा ग्रह आहे. त्यामुळे ज्या रोगांची झटकन् वाढ होते असे रोग होतात. ह्यांचे रक्त दूषित होते. मांड्या धरणे, वात,उसण, पेटके येणे हे प्रकार अनुभवास येतात.नोकरीमध्ये ह्यांना मानाची जागा लाभते. शिक्षक, प्राध्यापक, बँकेतीलकर्मचारी, धार्मिक संस्थेतील नोकऱ्या, राजकारणी, उद्योगपती, वकील, मोठा खेळाडू, मंत्री, डायरेक्टर्स अशा महत्त्वाच्या जागा हे भूषवतात.ह्यांचे मामा मोठ्या जागेवर असतात. त्यांचा ह्यांना फार उपयोग होतो.
नाकरी अगर धंद्यात हे लोकप्रिय होतात. ह्यांची आर्थिक स्थिती चांगली असते.मुले मात्र फारशी मोठी होत नसतात. कधी कधी शत्रुत्व करतात.

३५) कर्क लग्न असता सप्तमात मकर रास येत असल्याने- असून शनी शुभसंबंधीत असता स्त्री कष्टाळू, सोशीक कर्तव्यदक्ष, प्रामाणिक, एकनिष्ठ, सेवाभावी व काटकसरी मिळते. संसार करणारी  ही उत्तम स्त्री असते. दिसायला कृश, रोगी, किंचित् तिरळी असते. वर्ण बहुदा  सावळा  असतो. शुभग्रह गौरवर्ण देतो. दीर्घोद्योगीपणा, मानसिक स्थैर्य, चिकारी आदी शनीचे सद्गुण असतात. तिच्याकडे विचारीपणा, दूरदर्शित्व, व्यवहार्य बुद्धी, सूत्रबद्धता व हिशेबीपणा असतो. फालतू गप्पांत वेळ घालविणे त्यांना आवडत नाही. आपल्या नवऱ्यावरील प्रेमाचे प्रदर्शन करणार नाहीत वा भावना-प्रधानताही आढळणार नाही. आपल्या जन्मजात थंड व सावधचित्ताने नवऱ्या-बरोबर वागतात. लैंगिक बाबतीत स्त्री (वा पुरुष) कधीच पुढाकार घेत नाही.स्त्रीच्या पत्रिकेत नवरा कमी दर्जाचा मिळतो.

३६) मकररास जर दूषित असेल व शनीही अशुभ असेल तर मात्र स्त्रीच्या स्वभावात कंजुषपणा, लोभ, पाताळयंत्रीपणा, कारस्थानी वृत्ती, निर्लज्जपणा,क्रौर्य, आळस, बुद्धिहीनता हे दुर्गुण आढळतात. स्त्री तेजोभंग करणारी असते.चहाडखोरी, लावालावी व अकारणी मुत्सद्दीपणा यामुळे स्त्री घरामध्ये अप्रिय असते. ही मंथरा व कैकेयी या दोन्ही भूमिका पार पाडू शकते. सदोदित काही तरी आजार असतो. संधिवात, सर्दी हे विकार सर्वसाधारणतः आढळतात.
स्त्रीचा अकाली मृत्यू होतो. काही पत्रिकांत संततीसुख आढळत नाही.मकररास स्वतंत्र धंदा करण्यास चांगली असून प्रचंड स्वरूपाचे यश देते.ह्या लोकांचे प्रवास खूप होतात.
२६ किंवा ३१ व्या वर्षी विवाह संभवतो.

३७) कर्क लग्न असता अष्टमात कुंभ रास येत असल्याने-  असता मनुष्य सर्वसाधारणपणे दीर्घायुषी आढळतो.अष्टमात शुभग्रह असेल तर अंत शांत स्थितीत होतो. परंतु पापग्रह असता आयुष्य कमी करतो व अनैसर्गिकरीत्या मरतो. येथे कुंभ रास असता मनुष्य पक्षाघाताने मृत्यू पावतो. आत्महत्या करणाऱ्या व्यक्तींच्या पत्रिकांत अष्टमात कुंभरास आढळते. त्याचप्रमाणे शत्रूकडून हे लोक मारले जातात. या राशीचा मालक शनी असल्याने उंचावरून पडून वा उडी टाकून किंवा चेंगरून मृत्यू येतो. या राशीचा विजेशी संबंध असल्याने विजेचा शॉक लागून मृत्यू येतो.यांना जलोदर, रक्तदाब, हत्तीरोग, वातव्याधी यांचाही त्रास संभवतो.यांना वडिलांचा वारसा मिळतोच. शिवाय स्त्रीधनही चांगलेच लाभते.स्त्री काटकसरी असल्याने तिचा धनसंग्रह यांच्या चांगलाच कामी येतो. हे लोक गुपिते राखण्यात हुशार असतात. स्त्रीचा मृत्यू अगोदर होतो. 

३८) कर्क लग्न असता नवमात मीन  रास येत असल्याने-  धर्मक्षेत्रात ही माणसे फार महत्त्वाचे कार्य करतात. राशीचा मालक नवमस्थानाचा कारक गुरू असल्याने जन्मजात धार्मिक प्रवृत्ती असते. आध्यात्मिक व धार्मिक विषयावर लेखन घडते. कायद्यामध्येही हे निष्णात असतात.धार्मिक विषयांचे सखोल अध्ययन करून त्यावर टीका लिहितात. यांचे तर्कशास्त्र व तत्त्वज्ञान हे दोन्ही विषय उत्तम असतात. यांच्या अनेक तीर्थयात्रा होतात.त्याचप्रमाणे साधुसत्पुरुषांची सेवाही यांच्याकडून घडते. हे धर्मपीठे स्थापन करून धर्माचा प्रसार करण्यासाठी शिष्य बनवतात. धर्म हेच यांचे जीवन असते.गुरूसारखा ग्रह या राशीचा मालक असल्याने उच्च शिक्षण उत्तम होते.कायदा व तत्त्वज्ञान हे यांचे मुख्य विषय असतात. गुरूचा अंक ३ असून पुष्कराज हे रत्न या व्यक्तींना भाग्यकारक ठरते. हे दत्त किंवा शिवभक्तअसतात. अद्वैताची उपासना यांना प्रिय असते.

३९) कर्क लग्न असता दशमस्थान मेष रास येत असल्याने-  मनुश्य आपल्या बुद्धतेच्या सद्गुणांच व पूर्वपुण्याच्या जोरावर महत्वदास पोहोचतो. ही धाडशी व परिस्थितीशी टक्कर घेणारी राशी असून समाजात पहिले स्थान मिळावे म्हणून धडपडणारीअसते. ही राशी दशमात असता कुंडलीच्या इतर बलाबलाप्रमाणे मनुष्यप्रामुख्याने खालील धंदेव्यवसाय व नोकरी करतो
लष्करी अधिकारी, शिपाई, लष्कर-नौदल-हवाईदल यांमधील महत्त्वाच्याजागा, संरक्षण व पोलिसखात्यातील कामगार, सर्जन, केमिस्ट, मेकॅनिक्स,उद्योगपती, कामगार पुढारी, बबर्जी, सुतार, बेकरीवाले, घड्याळ बनविणारे,अग्निजीवी लोक, अग्निसंरक्षकदल, सीआयडी, कुस्तीबाज, खेळाडू, खेळाचे सामान विकगारे, कारखान्यात काम करणारे, गिरण्यांतील मजूर, विटा-चुन्याच्या
भट्टीत काम करणारे, न्हावी, घडठोक काम करणारे, लोहार, बेलीफ, चोर,शस्त्रास्त्रे बनविणारे व विकणारे, बॉडीगार्ड, मुष्टियोद्धे, लोखंड व पोलादाशीसंबंधीत नोकरीधंदे, धनगर, ड्रायव्हर्स, शिकारी इत्यादी.मंगळ हा शक्ती, पराक्रम, धाडस, उत्साह, जोखीम यांचा कारक असल्याने या गुणांची गरज असलेल्या ठिकाणी हे कार्य करतात. दशमस्थ ग्रहाप्रमाणेयामध्ये फरक पडतो.
मेष राशी दूषित असेल तर हलक्या प्रकारचे, कुशलतेऐवजी शारीरिक बळआवश्यक असलेले धंदे करतात. मेष राशी व मंगळ दोन्ही दूषित असल्यास मनुष्य पातकी, घातकी, चहाडखोर, बेपर्बा, अनाठायी धाडस दाखविणारा, चोर,दरवडेखोर, गँगमन, टिंगलखोर, महान दुष्कर्म करणारा असतो.

४०) कर्क लग्न असता एकादशात वृषभ  रास येत असल्याने-   मित्रमैत्रिणी भरपूर व सुखवस्तू असतात. यांना आपल्या मित्रांचीचांगलीच मदत होते. कला व क्रीडा क्षेत्रात विशेष ओळखी असतात. त्यांच्या-बरोबर या व्यक्तींचा वेळ सुखासमाधानात जातो. ही रास इच्छापूर्ती विनासायास दर्शविते. वडील बहीण सुस्थितीत असते. स्थावर इस्टेटीपासूनलाभ होत असतात. वाहनादींचे सुख भरपूर असते. घराणे संपन्न असते.अद्ययावत् सुखसोयी असतात. घरातील माणसे प्रेमळ असतात. कुठल्या गोष्टींची कमतरता नसते. शेतीवाडी भरपूर असते.
ही रास दूषित असल्यास हलकट, निर्लज्ज व्यक्तींची संगत लाभते. त्यांच्या नादी लागून दुर्व्यसने लागतात व त्यामध्ये धनाचा व्यय होतो. हे लोकघरामध्ये आपल्या मित्रांबरोबर मौजमजा करण्यात वेळ घालवितात. ऐषारामी जीवनाची संवय लागते. सिनेमा-नाटकांचे वेड असते. सट्टा-जुगार-पत्ते-मटका-रेस यांचा नाद असतो. मित्रपरिवारात पैसा खूप घालवितात. शुक्रही दूषित असल्यास अंमली पदार्थांचे व्यसन लागते.

४१) कर्क लग्न असता  व्ययस्थानी मिथुन रास येत असल्याने- लेखनाने वा भाषणाने आपत्ती येते. अब्रुनुकसानीचा लकडा मागे लागू शकतो. वृत्तपत्रामुळे अपकीर्ती होते. ह्यांचे प्रवास खूप  होतात.शिक्षणावर, पुस्तकांवर व लायब्ररीवर खर्च करतात. भावंडांशी विशेष पटत नाही.  भावंडांसाठी खर्च करावा लागतो. स्त्रीला दमा होण्याची शक्यता असते. मज्जातंतू दुबळे झाल्याने डाव्या डोळ्याच्या दृष्टीवर परिणाम होण्याची शक्यता असते. बुद्धिजीवी लोकांशी शत्रुत्व असते. पापग्रहयुक्त ही रास असेल तर फसवाफसवीचे व्यवहार,खोटी सही, कटकारस्थाने, खोट्या शपथा या गोष्टीत हा मनुष्य गुंतलेला असतो. यामुळे तुरुंगवास वा दंड होतो. ही रास गूढशास्त्राचा अभ्यास देते. लेखनामुळे दूरवर प्रसिद्धी देते.